छतीसगढ़ी ग़ज़ल आशा देशमुख

छतीसगढ़ी ग़ज़ल - आशा देशमुख

2122   2122 212

देख गरमी मा सबो हलकान हे

प्यास मा सबके सुखावत प्रान हे।1

रोज तो जंगल कटावत हे इहाँ

जीव पंछी मन सबो परेशान हे।2

सोच के मन होय भारी दुख लगे

स्वार्थ के चारो डहर तूफ़ान हे।3

बोर नदिया ताल सब सूखत हवे

का कहूँ ला होत येखर भान हे।4

रोय धरती रोज छाती फाड़ के

पर सुने नइ देख सब अंजान हे।5

का कहँव अइसे जमाना आ गए

रोय लकड़ी बर चिता शमशान हे।6

लाय कइसे कोन खुशहाली इहाँ

देख आशा सब डहर वीरान हे।7

आशा देशमुख

एन टी पी सी कोरबा छत्तीसगढ़