ग़ज़ल ---आशा देशमुख*

 *ग़ज़ल ---आशा देशमुख*

*बहरे रमल मुसद्दस मख़बून मुसककन*

फ़ाइलातुन फ़यलातुन फ़ेलुन

2122  1122  22

खेत मा धान लुवैया खोजय।

छेल्ला हे गाय चरैया खोजय।1

आज के गीत हवय कनफोड़ू

बाँसुरी राग बजैया खोजय।2

चीज तइहा के नँदा जाही का

रीत पुरखा के मनैया खोजय।3

देश ला छोड़ बने परदेशी

गाँव घर द्वार रहैया खोजय।4

पाप कुरसी के तरी अब्बड़ हे

राज के बात लिखैया खोजय।5

देख पग पग मा हवे भटकन जी

साँच हा बाट बतैया खोजय।6

ये मया मान चिरावत हावै

ताग सुमता के सिलैया खोजय।7

आशा देशमुख

एनटीपीसी जमनीपाली कोरबा