गजल- इंजी. गजानंद पात्रे "सत्यबोध"
*बहरे रमल मुसद्दस मख़बून मुसककन*
फ़ाइलातुन फ़यलातुन फ़ेलुन
2122 1122 22
ज्ञान के खान कहौं गुरु तोला।
मोर भगवान कहौं गुरु तोला।
झूठ ले दूर रखौ नित जग ले
सत्य ईमान कहौं गुरु तोला।
पा दया तोर बढ़े हँव आगू
हौ कदरदान कहौं गुरु तोला।
देव बलिहार हवय गुरु आगे
योग सत ध्यान कहौं गुरु तोला।
मान यश नाम सबो तँय देये
मोर पहिचान कहौं गुरु तोला।
इंजी. गजानंद पात्रे "सत्यबोध"
बिलासपुर ( छत्तीसगढ़ )
No comments:
Post a Comment