गज़ल- चोवा राम 'बादल '
*बहरे हजज मुसद्दस महजूफ़*
*मुफ़ाईलुन मुफ़ाईलुन* *फ़ऊलुन*
1222 1222 122
मुसीबत में बने पहिचान होथे
सही मा कोन हा भगवान होथे
कहाँ ले बाढ़ही ईमानदारी
चढ़े कुर्सी मा बेईमान होथे
मतौना हे जहर दारू के पानी
दरूहा जान के अनजान होथे
कदर का जानही बाबू शहरिया
पसीना गारबे ता धान होथे
जुझारू मिहनती छत्तीसगढ़िया
दू कौंरा बासी चटनी शान होथे
नँदाये नइये सुंदर गाँव हाबयँ
जिहाँ बखरी अभो गौठान होथे
कलेचुप फोरियाबे राज 'बादल '
इहाँ पर्दा तको के कान होथे
चोवा राम 'बादल'
हथबंद, छत्तीसगढ़
No comments:
Post a Comment