छत्तीसगढ़ी गजल-दुर्गाशंकर

 छत्तीसगढ़ी गजल-दुर्गाशंकर

बहरे हज़ज मुसद्दस महजूफ़

मुफ़ाईलुन मुफ़ाईलुन फ़ऊलुन

1222 1222 122

पुलिस अउ चोर के गँठजोर हावै,

सबो मोहल्ला मा इहि सोर हावै ।

समय होथे महा बलवान जानव,

समय ऊपर रे काकर जोर हावै।।

डरव झन सेर भालू चितवा से अब,

रे मनखे आज आदमखोर हावै ।।

उजड़ गे बन कटागे रूख राई ,

कहाँ अब बन म कुहकत मोर हावै।।

जलत हे भाई ला देख भाई ,

कहाँ बँधना मया के डोर हावै।।

करम के फूटहा होगे किसानी ,

दिखे ठसठस ले भीतर झोर हावै।

रखे हस जेन ला रखवार दुर्गा,

उही सबले बड़े तो चोर हावै।।

दुर्गा शंकर इजारदार

सारंगढ़ (छत्तीसगढ़)