गजल-मनीराम साहू मितान

गजल-मनीराम साहू मितान

बहरे मुतदारिक मुसम्मन सालिम

फ़ाइलुन फ़ाइलुन फ़ाइलुन फ़ाइलुन

212  212  212  212

एक बिगड़े उही हा बनइया हवय l

नाँव जेकर मुरारी कन्हइया हवय l

तैं लगा माथ धुर्रा सजा मूड़ मा,

नीक माटी सबो के पलइया हवय l

झन सताबे कभू मान करबे सदा,

जेन सहिके दरद जग लनइया हवय l

काम आवय नही गा समे आखरी,

धन सबे हा घरे मा रहइया हवय l

आसरा काय करबे हवय बोचकू,

बस अपन पेट के वो भरइया हवय l

मानबे बात झन वो लुहाथे सखा,

बाँचथे खुद दुसर ला लड़इया हवय l

दान जानय नही खाय तक ला घलो,

बस रपोटत रथे धन धरइया हवय l

गाँठ मन हे मनी दिल समाही कहाँ,

राखथे छल कपट जर खनइया हवय l

मनीराम साहू मितान