छत्तीसगढ़ी गजल-जीतेन्द्र वर्मा"खैरझिटिया"
*बहरे रजज़ मख़बून मरफ़ू’ मुख़ल्ला*
मुफ़ाइलुन फ़ाइलुन फ़ऊलुन मुफ़ाइलुन फ़ाइलुन फ़ऊलुन
1212 212 122 1212 212 122
तुम्हर दरद हा पहाड़ जइसे, हमर दरद का दिखावटी हे।
हमन हवन जइसे तइसे दिखथन, तुम्हर चरित्तर बनावटी हे।
कहाँ महक फूल फर मा हावै, कहाँ चँउर दार हा मिठावै।
कहाँ के आरुग कुछु हा मिलथे, सबे जिनिस तो मिलावटी।
जतन रतन धन के सब करत हे, अपन अपन रट मरत हरत हे।
अजब गजब आगे हे जमाना, मया घलो हा गुँरावटी हे।
भुखाय मरगे तड़प तड़प के, जियत हे कतको हड़प झड़प के।
गरीब के घर मा नइहे छानी, अमीर के घर सजावटी हे।
गियान गुण बिन बने हे बड़खा, हवै कलमकार कोरी खरखा।
पढ़य गुणय अउ सुनय सबे के, कलम मा ओखर कसावटी हे।
जीतेन्द्र वर्मा"खैरझिटिया"
बाल्को,कोरबा(छग)
Total Pageviews
Monday 10 August 2020
छत्तीसगढ़ी गजल-जीतेन्द्र वर्मा"खैरझिटिया"
Subscribe to:
Post Comments (Atom)
गजल
गजल पूस के आसाढ़ सँग गठजोड़ होगे। दुःख के अउ उपरहा दू गोड़ होगे। वोट देके कोन ला जनता जितावैं। झूठ बोले के इहाँ बस होड़ होगे। खात हावँय घूम घुम...
-
ग़ज़ल -जीतेंन्द्र वर्मा'खैरझिटिया'* *बहरे रमल मुरब्बा सालिम* *फ़ाइलातुन फ़ाइलातुन* *2122 2122* पैदा होवत पर निकलगे। फूल के बिन फर निकल...
-
गजल पूस के आसाढ़ सँग गठजोड़ होगे। दुःख के अउ उपरहा दू गोड़ होगे। वोट देके कोन ला जनता जितावैं। झूठ बोले के इहाँ बस होड़ होगे। खात हावँय घूम घुम...
-
गजल-जीतेंद्र वर्मा "खैरझिटिया" *बहरे रजज़ मुसद्दस सालिम* *मुस्तफ़इलुन मुस्तफ़इलुन मुस्तफ़इलुन* *2212 2212 2212* अब बता बिन काम के...
No comments:
Post a Comment