गजल-अरुण कुमार निगम

गजल-अरुण कुमार निगम

*बहरे रमल मुसम्मन मख़बून महज़ूफ़*

*फ़ाइलातुन फ़यलातुन फ़यलातुन फ़ेलुन*

*2122 1122 1122 22*

तोर सरकार हवै तोर कहाँ गिनती हे

तोर तकदीर म राहेर नहीं कुल्थी हे।

वोट बर तोर दुवारी मा दिखाथे चेहरा

भारी मिठलबरा दगाबाज बड़े कपटी हे।

सात छेदा के दरद धर के अपन छाती मा

गीत गा-गा के सुनाथे वो सुघर बँसरी हे।

खोल आँखी ल चलव जान तभे पाहू तुम

कोन असली हे इहाँ, कोन इहाँ नकली हे।

उन्ना हउँला ह छलकथे रे "अरुण" समझे कर 

बूँद तक छलके नहीं तेन भरे गगरी हे

*अरुण कुमार निगम*

ये बहर मा फिल्मी गाना - 

जाने क्या ढूँढती रहती है ये आँखें मुझमें

जिंदगी प्यार की दो चार घड़ी होती है। 

दिल ने फिर याद किया बर्क-सी लहराई है।