छत्तीसगढ़ी ग़ज़ल-सुखदेव

 छत्तीसगढ़ी ग़ज़ल-सुखदेव

बहरे हज़ज मुसद्दस सालिम

मुफ़ाईलुन मुफ़ाईलुन मुफ़ाईलुन

1222 1222 1222

ददा दाई जियत हन तोर डर झन कर

अभी जॉंगर चलत हावय फिकर झन कर

बस अतके हे निवेदन तोर ले बेटा

जुआ सट्टा नशा मा मन जहर झन कर

खदर छानी रहिस अब छाय हन खपरा

बनय ता छत बनय वापस खदर झन कर

गरीबी मा दुबर हन देख पहिली ले

फुटानी मार दुब्बर ला दुबर झन कर

गुजरगे हे दिवस हफ्ता ले पखवरिया 

मजूरी दे अभी महिना बछर झन कर

न भटके हन न अटके अन बता देथन

रुपइयालाल तॅंय का करिया नजर झन कर

पहुॅंच जाबो हमू सुख के दुवारी तक

सगा सुखदेव तॅंय लकरे-लकर झन कर

-सुखदेव सिंह''अहिलेश्वर''

गोरखपुर कबीरधाम छत्तीसगढ़