गजल--चोवा राम वर्मा'बादल'
*बहरे रजज़ मुरब्बा सालिम*
मुस्तफ़इलुन मुस्तफ़इलुन
2212 2212
नेता बने भगवान हे
जनता करत गुनगान हे
हें मूर्ख वोटर आज तक
धोखा तभे फुरमान हे
भाई मरत हे भूख मा
भइया अबड़ धनवान हे
दुख मा उजरगे चेहरा
हिरदे गली सुनसान हे
बेटा बिजी हे चैट मा
माँ-बाप हा हलकान हे
बूता सिरागे हाथ बर
महँगाई लेवत जान हे
'बादल'बहुत तैं सोंच झन
का तोर दुनिया आन हे
चोवा राम वर्मा 'बादल'
हथबंद, छत्तीसगढ़
No comments:
Post a Comment