Total Pageviews

Tuesday, 8 September 2020

गजल- दिलीप कुमार वर्मा

 गजल- दिलीप कुमार वर्मा
बहरे मज़ारिअ मुसम्मन अख़रब मकफूफ़ मकफूफ़ महजूफ़ 
मफ़ऊल फ़ाइलात मुफ़ाइलु फ़ाइलून
221  2121  1221  212 

धरती सुरज अकाश ये चंदा बनाय के। 
का जी नही भरिस हे चँदैनी बिछाय के। 

पानी हवा बरफ बना सुग्घर सजाय हस।  
का पाय तँय ह पेंड़ ल इहँचे उगाय के। 

दुनिया सुघर रहिस हवे अतकेच मा बने। 
काबर बनाय जीव ल लालच दिखाय के। 

सब जीव मन बने हवे मिल के सबो रथे। 
का काम हे बता इहाँ मनखे ल लाय के। 

मनखे ल तँय ह लाय त बढ़िया करे हवस। 
का पाय तँय बता दे ये मन ला लड़ाय के। 

ऊपर ले नइ दिखय बने दुनिया के हाल हा।
भगवान देख ले इहाँ धरती म आय के।

अब तो दिलीप तोर ये काँधा म आय हे।  
बिगड़े हवे जे हाल ला फिर से सजाय के।

रचनाकार--दिलीप कुमार वर्मा 
बलौदाबाजार छत्तीसगढ़

at

1 comment:

Subscribe to: Post Comments (Atom)

गजल

 गजल 2122 2122 2122 पूस के आसाढ़ सँग गठजोड़ होगे। दुःख के अउ उपरहा दू गोड़ होगे। वोट देके कोन ला जनता जितावैं। झूठ बोले के इहाँ बस होड़ होगे। खा...

  • गजल
     गजल 2122 2122 2122 पूस के आसाढ़ सँग गठजोड़ होगे। दुःख के अउ उपरहा दू गोड़ होगे। वोट देके कोन ला जनता जितावैं। झूठ बोले के इहाँ बस होड़ होगे। खा...
  • ग़ज़ल -आशा देशमुख 🌹
     🌹 ग़ज़ल -आशा देशमुख 🌹 *बहरे रमल मुसम्मन मशकूल सालिम मज़ाइफ़ [दोगुन]* *फ़यलात फ़ाइलातुन फ़यलात फ़ाइलातुन* *1121 2122 1121 2122* वो लगाय नेकी...
  • ग़ज़ल - मनीराम साहू 'मितान'
     ग़ज़ल - मनीराम साहू 'मितान' *बहरे रमल मुसम्मन मशकूल सालिम मज़ाइफ़ [दोगुन]* *फ़यलात फ़ाइलातुन फ़यलात फ़ाइलातुन* *1121 2122 1121 2122* ...