ग़ज़ल -आशा देशमुख* 🌹

 🌹 *ग़ज़ल -आशा देशमुख* 🌹

*बहरे रमल मुरब्बा सालिम*

*फ़ाइलातुन फ़ाइलातुन*

*2122 2122*

काम कम बड़ दाम खोजे

बिन पता के नाम खोजे।1

छोड़ के परिवार ला वो

शांति सुख बर धाम खोजे।2

पाय दुख दाई ददा मन

पूत देखव राम खोजे।3

गुण मिले छत्तीस तब ले

सोन सुन्दर चाम खोजे।4

बोंत हे बँमरी सदा दिन

खाय बर वो आम खोजे।5

घर बुता छोड़े बहू हा

बाहिरी मा काम खोजे।6

सोच हा बीमार हावय

मूड़ पीरा बाम खोजे।7

नित बिहनियां जाप माला

साँझ  मितवा जाम खोजे।8

रोय बड़ संगीत आशा

जयकिशन खय्याम खोजे।9

आशा देशमुख