गज़ल- ज्ञानुदास मानिकपुरी

 गज़ल- ज्ञानुदास मानिकपुरी 

बहरे रमल मुसम्मन मखबून महजूफ़

फ़ाइलातुन फ़यलातुन फ़यलातुन फ़ेलुन 

2122 1122 1122 22

कर सुघर काम इहाँ सोच समझ के भाई

तँय कमा नाम इहाँ सोच समझ के भाई

होना बर्बाद हवय बात अलग हे तब तो 

तँय उठा जाम इहाँ सोच समझ के भाई

रखबे ये बात तहूँ सुरता चुकाना परथे

प्यार के दाम इहाँ सोच समझ के भाई

अन्नदाता के कहाँ भाग म हे एकोदिन 

देख आराम इहाँ सोच समझ के भाई

झन दिखा तोर अपन 'ज्ञानु' जखम कोनो ला

खुद लगा बाम इहाँ सोच समझ के भाई

ज्ञानु