छत्तीसगढ़ी ग़ज़ल-सुखदेव

 छत्तीसगढ़ी ग़ज़ल-सुखदेव

बहरे हज़ज मुसद्दस सालिम

मुफ़ाईलुन मुफ़ाईलुन मुफ़ाईलुन

1222 1222 1222

गजरना सारथक होही बरसही ता

दया अउ दान दानी के दरसही ता

अभी सरसन न दी हे बचपना के दिन

गड़ाबो ढेखरा नारा लरसही ता

बनउटी छाप तो तॅंय झन बड़ाई कर

बड़ाई हो जही रइयत हरसही ता

मनुज बिरथा कलेवा दसकरन के हे

जिते-जीयत ददा दाई तरसही ता

सफल सुखदेव ए जोनी जनम जिनगी

सुमत सद्भाव समता मा सरसही ता

-सुखदेव सिंह''अहिलेश्वर''

गोरखपुर कबीरधाम छत्तीसगढ़