छत्तीसगढ़ी गजल-चोवा राम वर्मा 'बादल'

 छत्तीसगढ़ी गजल-चोवा राम वर्मा 'बादल'

*बहरे मज़ारिअ मुसमन अखरब  मकफूफ़ मकफूफ़ महजूफ़*
मफ़ऊल फ़ाइलात मुफ़ाईलु फ़ाइलुन
अरकान-221 2121  1221 212

दुनिया हँसी उड़ाय हे सब दिन गरीब के
   दुख पीरा मा पहाय  हे सब दिन गरीब के

सूरुज ल देबो लान के वादा करे रहिन
काबर अँधेरा छाय हे सब दिन गरीब के

टूहूँ लमा के कौंरा ला उल्टा गपेड़ दिच
लूटे उही तो खाय हे सब दिन गरीब के

फाटे रथे बिंवाई ह  दूनों जी पाँव मा
काँटा तको छबाय हे सब दिन गरीब के

लाठी के जोर मा नँगा लिन हें  नसीब ला
चूल्हा तको भुँखाय हे सब दिन गरीब के


चोवा राम वर्मा 'बादल '
हथबंद, छत्तीसगढ़