*ग़ज़ल -आशा देशमुख*
*बहरे मज़ारिअ मुसमन अखरब मकफूफ़ मकफूफ़ महजूफ़*
मफ़ऊल फ़ाइलात मुफ़ाईलु फ़ाइलुन
221 2121 1221 212
हिप्पी चुंदी कटाय हे ककवा बड़े बड़े।
नानुक छेदाय कान ह खिनवा बड़े बड़े।
कारी अँधेरी रात म जंगल चुपे हवय
हंसा के पंख नोचथे घुघवा बड़े बड़े।
बिलई के भाग जाग गे सींका हा टूटगे
गोदाम मा पलत हवे मुसवा बड़े बड़े।
जाना सबो ला पार औ माँझी दिखे नही
पानी हवे उफान मा नरवा बड़े बड़े।
चद्दर बिछाय हे फटे ओढ़े अकास ला
शेखी गड़ात हे इहाँ मड़वा बड़े बड़े।
साँसा के नार हा जरे आगी धरे सुरुज
काटत हवे विकास हा रुखवा बड़े बड़े।
संगी नही हे सत्य के जिभिया कटाय हे
शक्कर धरे ये झूठ के मितवा बड़े बड़े।
आशा देशमुख
एनटीपीसी जमनीपाली कोरबा
Total Pageviews
Friday 4 September 2020
ग़ज़ल -आशा देशमुख*
Subscribe to:
Post Comments (Atom)
गजल
गजल पूस के आसाढ़ सँग गठजोड़ होगे। दुःख के अउ उपरहा दू गोड़ होगे। वोट देके कोन ला जनता जितावैं। झूठ बोले के इहाँ बस होड़ होगे। खात हावँय घूम घुम...
-
ग़ज़ल -जीतेंन्द्र वर्मा'खैरझिटिया'* *बहरे रमल मुरब्बा सालिम* *फ़ाइलातुन फ़ाइलातुन* *2122 2122* पैदा होवत पर निकलगे। फूल के बिन फर निकल...
-
गजल पूस के आसाढ़ सँग गठजोड़ होगे। दुःख के अउ उपरहा दू गोड़ होगे। वोट देके कोन ला जनता जितावैं। झूठ बोले के इहाँ बस होड़ होगे। खात हावँय घूम घुम...
-
गजल-जीतेंद्र वर्मा "खैरझिटिया" *बहरे रजज़ मुसद्दस सालिम* *मुस्तफ़इलुन मुस्तफ़इलुन मुस्तफ़इलुन* *2212 2212 2212* अब बता बिन काम के...
सादर आभार भाई
ReplyDeleteखजाना में ग़ज़ल ल स्थान दे बर
सुग्घर रचे हव दीदी बधाई।
ReplyDeleteनानुक छेदाय ह बे बहर लागत हे।